Forsking

Statsforvaltaren i Vestland og UiB har inngått avtalen ut frå ei felles forståing av behovet for kunnskapsutvikling. Avtalen skal medverke til langsiktig kunnskapsbygging og metodeutvikling på område som er sentrale for begge partar: for Statsforvaltaren når det gjeld opplæring i kriminalomsorga, og for UiB ved forskingsgruppa «Bergen Cognition and Learning Group» ved Det psykologiske fakultet.

Samarbeidsavtalen er forankra i det felles utviklingsarbeidet som er gjort dei siste åra. Føremålet er å medverke til utvikling av området opplæring innanfor kriminalomsorga, der Utdanningsdirektoratet har delegert det nasjonale faglege koordineringsansvaret til Statsforvaltaren i Vestland, og til utvikling av fag og metode ved UiB.