Etter internasjonale konvensjonar skal ingen nektast rett til utdanning. Retten til opplæring og utdanning er den same for innsette i fengsel som for andre borgarar i Noreg. Fylkeskommunane er fagleg og administrativt ansvarlege for utdanninga i fengsla. Det er lokale vidaregåande skolar som har det praktiske ansvaret for opplæringa. Utdanningsdirektoratet har delegert nasjonale faglege koordineringsoppgåver innan opplæring i kriminalomsorga til Statsforvaltaren i Vestland (SFVL).